Menü
Ostsee Zeitung | Ihre Zeitung aus Mecklenburg-Vorpommern
Anmelden
Rügen Von Oosterwülv’ un Paascheier
Vorpommern Rügen Von Oosterwülv’ un Paascheier
Partner im Redaktionsnetzwerk Deutschland
00:00 15.04.2017

Wenn grote Festdaag’ vör’e Dör stahn, denn denkt een wedder an Bruk un Moden ut olle Tieden. Hüs’ un Stuven warden utkleed’t un besünnere Spiesen warden kaakt un denn tohop mit’e Familj odder Frünn’

up’ten. Jedeen Land odder Flag odder männigeens sogor jedeen Dörp hett siene Egenorden, de eens villicht gor nich richtig to kennen sünd, man anners eens so unwennt sünd, dat een sik fragen kunn, wat de noch wat mit dat Ursprungsfest to don hebben.

Dat Oosterfest is een von de wichtigsten Festen in’t Kirchenjohr. De latiensche Nam is „Pascha“, wat afledd’t is von dat hebreesche Wurd „pessah“. Do ward Kristussen sien Wedderupstahn fieert, nadem dat he den Stillenfriedag storven is an’t Krüüz.

De olle plattdüütsche Nam is „Paaschen“, dat von „Pascha“ kümmt, wat licht ruttokennen is. Dit Wurd ward hüt nich mihr bruukt, œvers dat is noch in wecke Feldnaams to finnen as in „Paasch(en)barg, -brink“. Dor würd denn t.B. dat halvhoogdüütsche „Am Paschenberg“ ut, wat ’n Stralsunner Stratennam is.

Weckeen Bruk is up uns Eiland œverkamen? Noch hüt gifft dat flœgwies’ de Oosterfür, de al vör Johrhunnerden begäng’ wieren, dat de Lüd’ œvel Spökels wehren un sik vör ’n grésig Wéder schütten kunnen.

Franz Wessel, de von 1487 bet 1570 léven deed un Börgermeister to Stralsund wier, de vertellt von ’n Oosterfür: „An'n Paaschenavend odder Sünnavendmorgen mök man ’n grot Für up’n Kirchhoff, an’e Südersied’, dor drögen alleman Holt hen, dat de Düvel meend’, man wull dor ’ne Hell maken. Do wiegd' man dat Für woll länger as ene Stunn’. Denn rin in’e Kirch un wiegden dat Döpwater un se hadden Döplichter ut sœven Pund Wass, wur se een Krüüz rinstéken hadden ut Wihrok; disse Döplichter leet de Kirchherr swemmen un slépd’ enn dörch de Fünt...“ (ut Middelnedderdüütsch œversett’t un weddergéven na I. Schmidt „Götter, Mythen und Bräuche von der Insel Rügen“).

Œverto würd ok ’ne besünnere Kost verfardigt. Den Stillenfriedag wier dat begäng’, Fisch to éten, mihrst Hékt in witte Peterzilgensos mit kaakte Tüffeln. Oostersünndag wier de Fastentied to Enn’ un do keem denn Swiens- un Rinnerbraden up’n Disch. Backels geef dat ok so as Krümelkoken, Ooster- odder Waterkringel un noch de Oosterwülv’. Dat sünd fiene, langrunne Kökings mit twee Deegstrémels dwars bavenup un rindrückte Löcker, dat se ’n Wulf namaken don.

An’t Enn’ dörven wi de Oostereier nich vergéten, in’e olle Sprak „Paascheier“ heten. De würden farft mit Zipollenschellen, Rodkohlbléder un Tee un de Oosterhas’ hett se denn utdeelt.

Leve Lésers, weckeen Bruk is in Juge Familj noch lebennig? Kunnen wi weck von de ollen Moden nich eens wedder beléven, t.B. „Wecker backt den schöönsten odder grésigsten Oosterwulf?“

’n schön Oosterfest wünscht Juug Thorsten Filter!

Würd’:

Still(en)friedag – Karfreitag,

wiegen – weihen,

Wihrok – Weihrauch,

Fünt – Taufstein THORSTEN FILTER

OZ

Landwirte sind gegen Ausgleichsmaßnahmen für Gas-Pipeline Nord Stream

15.04.2017

Stadt Stralsund weist im Internet öffentlich zugängliche Obstbäume aus

15.04.2017

Bei einem Unfall in Bergen nahe der Tilzower Kreuzung wurde ein 14-jähriges Mädchen von einem Krankentransportfahrzeug erfasst. Es erlitt Kopf-und Wirbelsäulenverletzungen.

13.04.2017
Anzeige