Menü
Ostsee Zeitung | Ihre Zeitung aus Mecklenburg-Vorpommern
Anmelden
Rügen Wat mit uns Water passiert – un mit uns
Vorpommern Rügen Wat mit uns Water passiert – un mit uns
Partner im Redaktionsnetzwerk Deutschland
00:05 14.01.2017

Kœnen wi uns Water nich mihr drinken? De Fraag' kümmt up, wenn een de Berichten lést von’e letzten Daag’. Dor stunn in, de Nitratlast in’t Drinkwater is to hoog un wat de Folgen sin kunnen. Dat is doch nich so slimm, as sik dat anhüürt, will een woll glöven. Man wurüm geht dat hier egentlich?

Nitrat sülven is kene Gefohr nich. Dat is upbuugt ut Stickstoff un Surstoff un von Natur ut in’e Ierd’ in. De Planten bruken dat, Eiwittstoffen dor ut to maken. Dorüm is diss’ Stoff bannig nütt, nee, lévensnödig! Upnéhmen don wi Nitrat vör allen mit Plantenkost un Water.

Dat Problem is Nitrit, wat ut Nitrat formt ward. Dat don Bakterien in’n Bodden, in unse Kost un ok in uns Lief. Nitrit kann mit Aminen tohopgahn, ’ne Ort von Eiwitt, wur denn de Nitrosaminen ut warden. Un de sallen Kréft upwaken.

Un noch vél mihr! Nitrit kann Tittkinner dodgahn laten, wieldat se de Blaagsucht kriegen kœnen. Nitrit lött kenen Surstoff nich in’e Zellen rin. Lippen un Hud warden blaag', dor kümmt de Nam von. De Lütten kœnen sticken!

De Buern sallen woll Schuld hebben. Richtig is, dat Nitrat in’e Ierd’ kümmt mit Stallmess, Güll un Kunstdünger. De Stoff is waterlösbor, geht in’t Grundwater rin un soans in uns Drinkwater. Wenn nu düchtig Kunstdünger up’n Acker kümmt un villicht ok noch Güll bavento, denn bruken wi bloots noch een un een tohoptellen: De Nitratandeel in’t Water, de schütt tohöögt. Dat Grundwater löppt na’t Waterwark hen un ok in Seen un Boddens rin, wat de Nitratlast rupdrifft. In'n Lütten un Groten Jasmunner Bodden, dor is de Last so hoog, dat de ökoloogsche Tostand richtig slicht is. To vél Nitrat bedüd't to vél Stickstoff. Wat to vél Stickstoff in Boddens un Oostsee anrichten deet, dat kœnen Ji, leve Lésers, binah jedeen Sommer sehn: Dat Water ward grön, denn de Algen dor in wassen för dull.

Hier bi uns sall dit Problem noch lang nich so grot sin as in wecke Flœg’ in Westdüütschland. Sallen wi nu trööst’t odder warnt warden?

Wat is nu to don? Wecke ropen na'e Politik, dat se den Grenzwierd daldeet. Wi all weten, wo lang dat duern kann. So mütten wi uns sülven helpen!

Wi sullen kieken, wur besünners vél Nitrat, Nitrit un Nitrosaminen in sünd.

So kamen wi na’e Grönworen. De géven uns dat mihrste Nitrat, vör allen Feld- un Koppsalat odder Spinat. Wo mihr Dünger up Acker un Gorden kümmt, wo mihr Nitrat is in. Ward dat ökoloogsch anbuugt, is minner in, denn de bruken minn Dünger. Grööns bi Sommertied hett nich so vél as dat bi Wintertied, denn wenn de Sünn duller schient, ward mihr Nitrat ümsett’t. Uns Drinkwater hett ’n Deel in, man ahn geht nich. ’n Rad is, den iersten Liter morgens nich to bruken. Dat hett œver Nacht in’t Ruhr stahn un Nitrat ruttrocken.

In rökert Fleesch un Wust is Nitrit binnen, denn de würden mit Péksolt behannelt vonwégen de rode Klür un den Smack.

An’t Enn' mütten wi ok dat Bier bekieken, wat Nitrosaminen hett, de upstahn sünd bi’n Darren von Gastenmolt.

Wat kœnen wi dor nu ut lihren? De Dosis, de maakt dat Gift!

Thorsten Filter Würd': Tittkind Säugling, Blaagsucht Blausucht, Grönworen Gemüse, Péksolt Pökelsalz

OZ

In Bergen sind zwei Stellen in Gefahr/ Die künftige Finanzierung ist derzeit völlig unklar

14.01.2017

Evangelisch Altefähr: Kirche: 10.45 Uhr Gottesdienst mit Vorstellung des neuen Kirchengemeindrates Altenkirchen: Kirche: 10.30 Uhr Abendmahlsgottesdienst Bergen: Ev.

14.01.2017

Vertrag mit der Energiewirtschaft garantiert dem Seehafen weitere Aufträge

14.01.2017
Anzeige