Menü
Ostsee Zeitung | Ihre Zeitung aus Mecklenburg-Vorpommern
Anmelden
Greifswald Hahn - Hahn
Vorpommern Greifswald Hahn - Hahn
Partner im Redaktionsnetzwerk Deutschland
00:00 24.11.2017
Anzeige

Een stolter Hahn steiht up den Meß und kiekt taun Karktorm hoch. Dor thront up siene hoge Spitz een Karktormhahn, dreicht sik in’n Wind un lüchtet golden in dei Sünn. Dei Hahn up sienen Meß, dei röppt em tau: „Du büst een armer Hahn, sitzt fast up dienen Platz un dreichst di na den Wind in’n Krink. Ik dorgägen gah un stah, so as ik will. Dortau bünn ik ok wunnerbor antaukieken. Miene Feddern schillern hell in’n Sünnenschien, un mien roder Kamm gliekt eene Kron, dei mi gaud steiht.

Un denn kiek di miene Hollung an, stolt stah ik hier un all bewunnern mi. Mien Kikeriki weckt in alle Früh dei Minschen, dat sei ehr Dachwark daun. Un denn dei Sporen an miene Fäut, dei wiesen mi as Helden ut. Du kannst di mit mi nich mäten.“ Dei Karktormhahn reep trööch: „Du büst twors gaud antaukieken, över du steihst up dienen Meß, dei di an Fäut un Sporen kläwt. Ik bünn twors nich so bunt, glänz över mit mien golden Kleed ok in dei Sünn. Ik dreich mi in den Wind un wies dei Minschen dei Richtung an, ut dei hei kümmt. Dortau bünn ik in luftig Hööch, heff eenen gauden Överblick över’t Land un kiek wiet rundüm.“

Dei Hahn up’n Meß överlechte lang, womit hei sik noch rühmen künn un säd denn: „Ik bünn een General un heff den Befähl över miene groote Häuhnerschar, dei ik ok bespringen dau. Un denn leggen sei Eier noch un noch.“

As sei so in’t Räd’duell wieren, keem dei Hoffhund an, dei alls mithüürt harr, un leep bellend up den Hahn tau. Dei reet fix ut, denn mit den Hund wull hei sik nich anleggen. Dei Karktormhahn lachte luudhals un reep: „Du büst mi een schöner General! Wenn dei Fiend kümmt, rittst du ut.“

Mien Gordenfründ Heiner, den ik den Striet vertellte, säd: „Wenn du all eene Fabel vertellst, denn hett dat seker eenen Grund.“ Ik antwurd’te: „Wenn ik an dei Striederie von dei beiden Hahns denk, denn kümmt mi dei Gedanke, dat dat Strieden üm den schönsten orrer gröttsten orrer stoltesten Hahn völlig överflüssig ist. Wie oft strieden sik dei Minschen wägen ganz lütte Saaken. Dei een will ümmer bäder als dei anner sien un bewiesen, wie wichtig hei is. Dat hett man ok in’n Wahlkampf seihn. Wieldes Merkel gelaten bläben ist, wiel sei den Sieg all in dei Tasch harr, hett Schulz noch eene Woch vör dei Wahl mit undaugliche Middel versöcht, dei Kanzlerin un siene Gägner tau verunsekern, indem hei secht hett: ’Den nächsten Wahlkampf führe ich als Kanzler! Ik glöw nich, dat hei sülfst doran glöwt hett.“

Heiner meinte: „Man kann sik bloots över den Utspruch wunnern bi den Afstand twischen dei beiden Parteien.“

OZ

Mehr zum Thema
Grimmen GUTEN TAG LIEBE LESER Keine Paten für Wanderhütten

Patenschaften für die Wanderhüten in der Gemeinde Süderholz – diesen Vorschlag brachte im Sommer Gemeindevertreterin Maike Lass aus Klevenow ein.

21.11.2017

Sassnitz/Mukran und Stralsund haben ihren Platz am Markt gefunden

23.11.2017

Forum-Initiator übt Kritik an Beitritt zu Fördergesellschaft

23.11.2017

Christa und Harri Ewert feiern nach 60 Jahren Ehe Diamantene Hochzeit

24.11.2017

Sechs Niederlagen in Folge, der Absturz auf den elften Tabellenrang und zuletzt stark schwankende Leistungen.

24.11.2017

Moeckowberg – Lühmannsdorf wieder befahrbar, ebenso Gützkow – Gribow

24.11.2017